Bilang ng mga pasahero na naitala sa mga pantalan umabot sa mahigit 77,000
Dumarami pa ang bilang ng mga pasaherong bumibiyahe sa mga pantalan.
Sa datos ng Philippine Coast Guard (PCG), mula alas 6:00 ng umaga ng Biyernes hanggang alas 12:00 ng tanghali, umabot sa 77,798 ang naitala nilang mga bumiyaheng pasahero.
Pinakaraming naitalang bumiyahe sa mga pantalan sa Western Visayas na umabot sa 18,206; sinundan ng Eastern Mindanao na mayroong 12,990 na mga pasaherong bumiyahe; at Central Visayas na nakapagtala ng 12,604.
Sa mga pantalan sa Southern Tagalog nakapagtala ng 8,428 na bumiyahe; 6,923 sa Northern Mindanao; 6,100 naman sa mga pantalan sa Palawan; at Southern Visayas ay mayroong 5,504 na mga bumiyaheng pasahero.
Dagsa pa rin ang mga pasahero sa mga pantalan sa National Capital Region, Western Mindanao, North Western Luzon, Bicol, Eastern Visayas, at Eastern Luzon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.