Maynila napasama sa listahan ng “least sustainable cities” sa mundo
Napasama ang Maynila sa world’s least sustainable cities.
Ang 2018 Sustainable Cities Index (SCI) report ay base sa pag-aaral na ginawa ng isang design and consultancy form na naka-base sa Amsterdam.
Ayon sa pag-aaral ng kumpanyang Arcadis, ang Maynila na kapital ng Pilipinas ay pang 95 sa 100 mga lungsod sa iba’t ibang panig ng mundo kung ang pag-uusapan ay sustainability.
Ginawa ang ranking sa mga lungsod sa mundo batay sa tatlong usapin, una ang ay “people factor”, “planet”, at “profit”.
Sa “people factor” nasa pang-93 ang Maynila na naglalarawan sa social mobility at kalidad ng oportunidad at pamumuhay sa lungsod.
Para sa “planet factor”, nasa pang-91 ang Maynila dahil sa polusyon at emissions.
Nasa number 98 naman ang Maynila kung ang pag-uusapan ay “profit” kung saan inaral ang business environment at economic performance ng lungsod.
Nanguna naman sa listahan ng sustainable cities ang London, pumangalawa ang Stockholm at ikatlo ang Edinburgh.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.