Eroplano mula Mactan Airport bumalik matapos maka-take off dahil sa technical problem

Isang eroplano ng CebGo ang bumalik sa Cebu Mactan International Airport ilang sandali matapos itong mag-take off.

Ayon kay Charo Logarta Lagamon, tagapagsalita ng Cebu Pacific, umalis ng Mactan Airport ang CebGo flight DG 6717 patungo ng Cagayan De Oro Airport.

Pero nag-request ang piloto nito na makabalik ng paliparan matapos makaranas ng technical problem.

Ayon kay Lagamon, ligtas namang nakalapag muli sa Mactan Airport ang eroplano.

Maayos din ang 74 na pasahero nito.