Sitwasyon sa Manila North Cemetery payapa pa rin
Simula alas-7 ng umaga kahapon, October 31, hanggang ngayong madaling araw ay nananatiling maayos ang sitwasyon sa loob ng Manila North Cemetery.
Ayon sa mga nagbabantay na elemento ng Manila Police District – Sta. Cruz Station sa nabanggit na sementeryo, hanggang kaninang alas-12 ng hatinggabi ay nasa 61,192 na ang kabuuang bilang ng mga taong bumisita.
Habang as of 12mn, nasa 3,342 ang tinatayang bilang ng mga tao na nasa loob ng Manila North Cemetery.
Wala pa rin silang naitatalang nagtanggang magpasok ng ipinagbabawal na gamot, ngunit nasa 80 na ang kanilang nakumpiskang mga patalim at 280 kaha ng mga sigarilyo.
Nakumpiska rin nila ang 10 mga speakers dahil bawal mag-ingay sa loob ng sementeryo.
Hindi rin nakakuha ng mga nakalalasing na inumin ang pulisya mula sa mga pumapasok sa Manila North.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.