DBM, maglalabas ng pondo para sa quick response fund ng DSWD para sa mga nasalanta ng Bagyong Rosita at iba pang kalamidad
Maglalabas ang Department of Budget and Management (DBM) ng kabuuang P662.5 milyon para sa quick response fund (QRF) ng Department of Social Welfare and Development (DSWD) para sa mga biktima ng pananalasa ng Bagyong Rosita at iba pang kalamidad.
Sa inilabas na pahayag, sinabi ng DBM na ilalaan ang pondo sa disaster relief sa mga apektadong bahagi ng Northern Luzon.
Batay anila sa hiling ng DSWD, ang pondo ay ilalaan sa pagbili ng family food packs, mga isasagawang programa ng Disaster Risk Reduction Management *DRRM) at standby fund.
Ito na ang ikatlong beses na nagbigay ng pondo para sa QRF ng DSWD.
Ang QRF ay ginagamit para punan ang relief at rehabilitasyon sa oras ng kalamidad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.