Big-time rollback sa presyo ng LPG ipatutupad mula Nov. 1

Good News!

Isang malakihang bawas sa presyo ng Liquified Petroleum Gas (LPG) ang ipatutupad ng mga kumpanya ng langis.

Tinatayang nasa pagitan ng P5 hanggang P7 ang mababawas sa kada kilo ng LPG simula sa November 1, 2018.

Katumbas ito ng P55.00 hanggang P77.00 na rollback sa kada 11-kilogram na LPG cylinder.

Bukas Oct. 31 inaasahang iaabunsyo ng mga kumpanya ng langis ang eksaktong halaga ng kanilang ipatutupad na rollback.