Binata patay matapos mahulog sa bangin ang sinasakyang concrete mixer sa Benguet
Hindi na umabot ng buhay sa ospital ang isang binata matapos mahulog ang sinasakyang concrete mixer truck sa bangin sa bahagi ng Barangay Sagubo sa Kapangan, Benguet.
Kinilala ang nasawing menor de edad na laborer na si Vilmer Ventura, 16 na taong gulang na nagtamo ng multiple head injuries.
Batay sa imbestigasyon ng mga otoridad, mabilis ang patakbo sa Salat-Sagubo Provincial Road ng driver ng truck na may kargang concrete mixer na si Dolphy Dasolas nang mawalan ito ng kontrol sa manibela.
Nahulog sa halos 100-metrong bangin ang truck.
Sa ngayon ay nagpapagaling sa Kapangan District Hospital si Dasolas at isa pang pasahero na si Abel Binaliw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.