Binayo ng epekto ng Bagyong Rosita ang Hilagang bahagi ng Samar partikular ang 4 na coastal towns ng lalawigan.
Ayon kay Rei Josiah Echano, chief ng Provincial Disaster Risk Reduction Management Council (PDRRMC), apektado ng Bagyong Rosita ang mga bayan ng Pambujan, Mapanas, Gamay at Catarman.
Sa Pambujan, sinira ng storm surge o daluyong na nasa pagitan ng tatlo at limang metro ang 10 bahay kung saan naapektuhan ang 107 na pamilya.
Habang sa Mapanas, 77 pamilya ang naapektuhan ng storm surge na sumira sa 12 bahay sa Barangays 1, 2, 5, 6, at 8.
Sinira naman ng malalaking alon ang ilang resorts sa kalapit na bayan ng Gamay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.