Isang binatilyo patay sa sunog sa Quiapo, Maynila

Patay ang isang binatilyo sa sunog sa mga kabahayan sa Quiapo, Manila Lunes ng hapon.

Ayon kay Senior Fire Inspector Lucio Albarracin, nasawi ang 13-anyos na si Alexander Reyes Lionel.

Nabatid na natutulog si Lionel nang sumiklab ang sunog.

Nagsimula ang sunog 12:47 ng hapon at idineklarang fire out bandang 3:06 ng hapon.

Halos 45 na pamilya at 15 na bahay ang apektado ng sunog.

Tinataya namang P50,000 ang halaga ng ari-arian na natupok.

Iniimbestigahan ng mga bumbero ang dahilan ng sunog.