Malakas na ulan ibinabala ng Pagasa sa Northern Luzon dahil kay “Rosita”
Napanatili ni bagyong Rosita ang kanyang lakas sa mga nakalipas na oras ayon sa 5:00 p.m bulletin na inilabas ng Pagasa.
Sa mga susunod na oras ay asahan ang katamtaman hanggang sa malakas na buhos ng ulan sa ilang mga lugar sa Northern at Central Luzon.
Pinag-iingat rin ang publiko sa inaasahang baga sa mga low-lying areas ayon pa sa weather bureau.
Sa mga lalawigan ng Cagayan, Aurora, Isabela, Ilocos Sur, Ilocos Norte at La Union posible pa rin ang storm surge nang hanggang sa tatlong metro.
Bukas ng umaga, October 30 ay inaasahang babagtas sa ibabaw ng Aurora, Isabela, Quirino, Ifugao, Nueva Vizcaya, Benguet at La Union ang bagyong Rosita.
Inaasahan namang lalabas si Rosita sa kalupaang bahagi ng bansa bukas ng gabi at lalabas siya sa Philippine Area of Responsibility sa Miyerkules ng gabi.
Ang mata ng bagyo ay huling namataaan sa laong 310 kilometers Silangan ng Casiguran, Aurora.
Taglay pa rin ng bagyo ang lakas na 150 kph at pagbugsong umaabot sa 185 kph at tinatahak ang Kanlurang bahagi ng bansa sa bilis na 15 kph.
Nakataas pa rin ang signal number 3 sa mga sumusunod na lalawigan:
Isabela
Quirino
Northern Aurora
Nueva Vizcaya
Ifugao
Signal number 2 sa mga sumusunod na lugar:
Cagayan
Ilocos Norte
Apayao
Abra
Kalinga
Ilocos Sur
Mountain Province
La Union
Benguet
Pangasinan
Tarlac
Nueva Ecija
Northern Quezon including Polillo Island
Southern Aurora
Zambales
Pampanga
Bulacan.
Samantalang ang signal number 1 ay nakataas naman sa mga sumusunod na lalawigan:
Southern Quezon
Batanes and Babuyan group of Islands
Rizal
Metro Manila
Laguna
Batangas
Bataan
Cavite
Camarines Norte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.