Biyahe ng LRT-2 nagka-aberya

Nagka-aberya ang biyahe ng LRT line 2, Lunes, Oct. 29 ng umaga.

Nagpatupad ng provisional service ang LRT-2 at ayon sa abiso, alas 8:28 ng umaga ay Santolan to V. Mapa lamang at pabalik ang biyahe ng mga tren.

Habang wala namang naging biyahe mula V. Mapa patungong Recto at pabalik.

Makalipas naman ang ilang minuto, o dakong alas 8:51 ng umaga ay naibalik na sa normal ang serbisyo ng tren.

Paliwanag ng LRT-2, mayroong isang tren na nagkaproblema at kailangang alisin sa linya.