LOOK: Mga kanseladong biyahe ng eroplano dahil sa sama ng panahon

UPDATE: Ilang biyahe na ang kanselado ngayong araw dahil sa sama ng panahon.

Sa abiso ng Manila International Airport Authority (MIAA), kanselado ang biyahe ng CebGo na DG 6009 at 66010 Manila – Basco – Manila.

Gayundin ang biyahe ng Skyjet na M8 816/817 Manila – Basco – Manila.

Ito ay dahil sa hindi magandang panahon na nararanasan sa Basco.

Pinayuhan ng MIAA ang mga apektadong pasahero na makipag-ugnayan sa airline company para sa rebooking ng flight o refund ng kanilang pamasahe.