Liquor ban ipinatupad sa Isabela dahil sa bagyong Rosita

Nagpatupad na ng liquor ban sa buong lalawigan ng Isabela bunsod ng nagbabantang pananalasa ng bagyong Rosita.

Ayon sa Provincial Disaster Risk Reduction and Management Council, mahigpit nang ipinagbabawal ang pagbili, pagbenta at pag-inom ng nakalalasing na inumin sa buong lalawigan.

Ito ay para matiyak ang kaligtasan ng mga residente sa sandaling tumama na at manalasa na ang bagyo.

Nakataas na ang signal number 2 sa Isabela dahil posibleng tumama sa kalupaan nito ang bagyong Rosita.