Tinalo ng Adamson University Soaring Falcons ang University of the Philippines Fighting Maroons sa kanilang naging tapatan kagabi para sa UAAP Season 81 men’s basketball.
Natapos ang laro sa iskor na 80-72 pabor sa Adamson.
Dahil dito ay mayroon nang 8-2 win-loss record ang nabanggit na koponan at nasa ikalawang pwesto sa torneo.
Nasa ikalimang pwesto naman ang Maroons na mayrong 5-6 card.
Ayon kay Adamson head coach Franz Pumaren, kumpyansa siya sa kanyang koponan kaya bagaman naging mahigpit ang laban ay hindi siya natakot na baka sila matalo.
Si Jerrick Ahanmisi ang nanguna sa Falcons matapos niyang makapagtala ng 24 na puntos, 6 na rebounds, at tatlong assists.
Para naman sa UP, si Bright Akhuetie ang nanguna sa kanyang 24 points at 15 rebounds.