Pelikulang “Clueless” magkakaroon ng remake
Muli nang mapapanood sa mga sinehan ang pelikulang “Clueless.”
Ito ay dahil gagawan ng remake ang 90s classic comedy film kung saan unang nakilala ang Hollywood actress na si Alicia Silverstone.
Sa ngayon ay wala pang inilalabas na detalye kung kailan ipalalabas ang remake dahil nasa unang bahagi pa lamang ito ng planning.
Ngunit ayon sa mga insider, ang pelikula ay hindi direktang remake ng 90s film at mayroong posibilidad na mapanood ang mga dating karakter na babalik para sa pelikula.
Matapos ang success ng pelikula noong 1995, nagkaroon pa ng TV series spinoff ang “Clueless” na ginanapan ni Rachel Blanchard noong 1996 at tumagal ng tatlong season.
Bukod pa dito ay magbubukas naman sa Disyembre ang Broadway musical version ng “Clueless.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.