Pagkakaabswelto ni Dian Yu hindi sampal sa war on drugs ng pamahalaan — Malacañan

By Chona Yu October 28, 2018 - 05:05 PM

Hindi itinuturing ng Palasyo ng Malacañan na big blow o isang malaking sampal sa anti-illegal drug war ni Pangulong Rodrigo Duterte ang pagkakabasura ng korte sa kasong illegal drugs laban kay Dian Yu, anak ni drug queen Yu Yuk Lai.

Sa panayam ng Radyo Inquirer, sinabi ni Presidential Spokesperson Salvador Panelo na sa halip na ituring na big blow, dapat na magsilbing leksyon na lamang sa pamahalaan ang kaso ni Yu.

Hindi aniya maaaring maituring na nasira na ang kampanya ni Pangulong Duterte dahil lamang sa pagkakabasura sa isang kaso.
Kung tutuusin, maliit na bagay lamang aniya ito dahil 0.001% lamang ito sa kabuuang 100% ng kampanya laban sa iligal na droga.

Dapat aniyang sundin ang batas at dapat maging ang Philippine Drug Enforcement Agency (PDEA) at iba pang arresting team ay dapat tumalima dito para hindi madale sa teknikalidad.

Hindi rin aniya maaaring sisihin ang prosekusyon o ang korte dahil maaaring nasilip o hindi nasunod ang mga protocol kaya naabswelto si Yu.

Matatandaang ibinasura ng Manila Regional Trial Court (RTC) Branch 49 ang kasong illegal drugs laban kay Yu dahil sa kawalan ng probabale cause.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.