Regine Velasquez, hindi na nakapagtimpi; basher binuweltahan

Napuno na ang Asia’s Songbird na si Regine Velasquez sa mga natatanggap na pambabash dahil sa kanyang paglipat sa ABS-CBN.

Matatandaang noong October 17, opisyal nang naging isang Kapamilya si Velasquez na dalawang dekadang namayagpag sa Kapuso Network.

Sa isang Instagram post ay ibinahagi ng singer ang mensahe ng isang netizen na may username na @cheskaazurin.

Sa naturang post ay tinawag ng netizen na ‘balyena’ si Velasquez, at kinutya ang boses ng singer at ang pagkakaroon nito ng sakit na acid reflux.

Sa kanyang caption ay pinag-iingat ni Velasquez ang basher sa kanyang mga sinasabi.

Sa isang hiwalay na post sa Twitter, ipinahayag ng singer ang kalungkutan at sinabing ang mga salita ay makapangyarihan.

Anya, hindi porket hindi siya nagsasalita ay ayos lamang na siya ay bastusin.