Phoenix Petroleum, buena manong magpapatupad ng oil price rollback

Nag-anunsyo na ng kanilang tapyas sa presyo ng mga produktong petrolyo ang Phoenix Petroleum.

Sa advisory ng naturang kumpanya, P1.65 ang kanilang ibabawas sa kada litro ng gasolina habang P.60 naman sa kada litro ng Diesel.

Epektibo na ito ngayong alas-6:00 ng umaga.

Samantala, nag-anunso na rin ang Petro Gazz ng kanilang price rollback.

Ang rollback ng kumpanya ay kapareho ng sa Phoenix Petroleum ngunit epektibo pagpatak ng hating-gabi ng Lunes, October 29.

Ang bawas sa presyo ng mga produktong petrolyo ay bunsod ng pagbaba ng presyo sa world market.

Ito na ang ikatlong sunod na linggong may rollback ang mga kumpanya ng langis.