Security guard patay matapos masagasaan ng truck sa Maynila
Patay ang isang security guard makaraang masagasaan ng isang 10-wheeler truck sa Delpan Bridge sa Tondo, Maynila.
Nakilala ang biktima na si Darwin Erandio, 41 anyos at magdiriwang sana ng kaniyang kaarawan ngayong araw ng Biyernes, Oct. 26.
Sa inisyal na imbestigasyon, nakasakay ng bisikleta si Erandio nang masabit ito sa trak na minamaneho ni Christian Pentinio.
Sumemplang ang bisikleta at bumagsak sa kalsada si Erandio dahilan para masagasaan siya at makaladkad pa ng ilang metro.
Hawak naman ng mga otoridad si Pentinio na posibleng mahaharap sa kasong reckless imprudence resulting in homicide.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.