Empleyado patay matapos mahulog sa rooftop ng mall sa Legazpi City

Patay ang isang empleyado matapos tumalon sa rooftop ng pinagtatrabahuang mall sa Legazpi City, Huwebes ng hapon.

Ayon kay Legazpi Police Chief Supt. Aldwin Gamboa, kinilala ang biktima na si Richard Escorel, 30 anyos, at residente ng bayan ng Monreal sa Masbate.

Nagtatrabaho anya ito bilang housekeeper ng mall.

Naganap ang insidente alas-5:00 ng hapon kung saan plumakda ang biktima sa konkretong kalsada patungo sa parking area.

Hindi na umabot pa nang buhay si Escorel sa Albay Doctor’s Hospital.

Ayon kay Gamboa, iniimbestigahan pa nila kung ang insidente ay aksidente o may foul play dito.

Partikular anya na inaalam kung ano ang ginagawa ng biktima sa rooftop o kung sino ang kasama nito bago maganap ang insidente.