Mayor ng Malay, Aklan sinuspinde ng Ombudsman

Pinatawan ng Office of the Ombudsman ng preventive suspension si Malay Mayor Ciceron Cawaling.

Kinumpirma ito ni DILG Sec. Eduardo Año, na nasa Boracay para sa reopening ng isla bukas.

Ayon kay Año, epektibo ngayong araw ang suspensyon kay Cawaling.

Nag-ugat ito sa mga reklamong isinampa laban sa kanya kaugnay sa umano’y pagpapabaya at mga environment problems sa Boracay, na sakop naman ng Malay, Aklan.

Si Vice Mayor Abram Sualog ang magsisilbing acting Mayor hangga’t suspendido si Cawaling.

Noong Hunyo, nagsampa ang DILG ng mga reklamong kriminal at administratibo laban sa labing pitong opisyal ng probinsya ng Aklan.