Customs commissioner Isidro Lapeña, hindi magbibitiw sa pwesto
Walang balak si Customs commissioner Isidro Lapeña na magbitiw sa puwesto.
Ito ay kahit na nakalusot sa bansa ang 6.8 bilyong pisong halaga ng shabu shipment.
Sa pulong balitaan sa Malakanyang, sinabi ni Lapeña na itinalaga siya ni Pangulong Rodrigo Duterte sa pwesto para tuparin ang misyon na labanan ang smuggling at pataasin ang revenue collection ng bansa.
Ayon kay Lapeña, hindi siya magbibitiw sa pwesto dahil malaking trabaho pa ang kanyang susunugin.
Kasabay nito, nangako si Lapeña na hindi na siya makikipag-turuan kay PDEA Director General Aaron Aquino kaugnay sa shabu shipment.
Ayon kay Lapeña, mahigpit na ang gagawing pakikipag-ugnayan ng kanilang hanay sa PDEA para hindi na maulit ang naturang insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.