Tiniyak ni Pangulong Rodrigo Duterte na kailanman ay hindi na siya muling bibisita sa Amerika.
Sa talumpati kagabi ng pangulo sa Malakanyang sinabi nito na may ipinadalang imbitasyon sa kanya sina United States Secretary of State Mike Pompeo at Defense Secretary James Mattis Commerce Secretary Wilbur Ross na bumisita sa Amerika subalit kanya itong tinanggihan.
Ikinadidismaya ng pangulo ang hindi pag-apruba ng Amerika sa binibiling armas ng Pilipinas.
Para sa pangulo, tapos na sa kanya ang Amerika.
Bukod sa Amerika, nagagalit din ang pangulo sa Canada dahil sa pagtanggi na magbenta ng attack helicopter.
Matatandaang makailang beses nang ipinagyabang ni Pangulong Duterte na bestfriend na ang kanyang turing kay US President Donald Trump.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.