WATCH: Ilang araw bago ang opening sa Boaracay, ilang hotels abala sa pagsaayos ng kanilang establisyimento
Ngayong araw ay abala pa rin ang mga manggagawa sa pagsasaayos at pagpapaganda ng pantalan o port.
Mayroon namang hotels na hindi pa tapos ang rehabilitasyon, at sa kasalukuyan ay may mga inaayos pa sa kani-kanilang establisimyento.
At bagama’t sa Biyernes pa ang scheduled reopening, marami-rami na ring bisita ang nasa Boracay.
Batay kay Environment Undersecretary Benny Antiporda, magiging simple lamang ang seremonya para sa Boracay reopening.
Gaya ng nauna nilang inanunsyo, hindi darating si Pangulong Rodrigo Duterte sa isla sa Biyernes, pero mahigpit na bilin nito na huwag gawing magarbo ang Boracay reopening.
Inaasahan namang darating ang iba pang opisyal ng gobyerno tulad nina DENR Sec. Roy Cimatu at Tourism Sec. Berna Puyat.
Sa ngayon ay napakainit ng panahon sa Boracay, na ika-nga ng mga bisita ay mala-summer at magandang pagkakataon upang i-enjoy ang ganda ng Boracay, makalipas ang anim na buwang rehabilitasyon.
Bago ang reopening ng #Boracay sa Oct. 26, abala pa rin ang mga manggagawa sa pagsasaayos at pagpapaganda sa port. @dzIQ990 pic.twitter.com/cCeSyPmsDP
— Isa Avendaño-Umali (@isaavendanoDZIQ) October 24, 2018
Bago ang reopening ng #Boracay sa Oct. 26, may ilang hotel ang nagsasagawa pa ng pagsasaayos. @dzIQ990 pic.twitter.com/NbNE3GdX2P
— Isa Avendaño-Umali (@isaavendanoDZIQ) October 24, 2018
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.