WATCH: Pang. Duterte, mga miyembro ng gabinete, bumirit sa isang benefit concert sa PICC kagabi
Bumirit ang mga miyembro ng gabinete at mismong si Pangulong Rodrigo Duterte sa isang benefit concert na idinaos sa Pasay City, Martes (Oct. 23) ng gabi.
Ang concert na may titulong “Awit ng Puso” ay ginanap sa Philippine International Convention Center (PICC) at inorganisa ng “DU30 Cabinet Spouses Associations Inc.”.
Maliban sa mga cabinet secretaries at presidential advisers, tampok din sa concert ang “The Ryan Cayabyab Singers” at Neocolours.
Kabilang sa mga kumanta sina DTI Sec. Ramon Lopez na umawit ng You’ve Got a Friend, si PCOO Sec. Martin Andanar, Dating Spokesperson Harry Roque, Presidential Spokesperson Salvador Panelo, DOT Sec. Berna Romulo Puyat, at dating SAP Bong Go.
Tampok din sa concert ang duet ng awiting Mr. Suave nina Sec. Ernesto Pernia at Delfin Lorenzana.
At duet nina Exec. Sec. Salvador Medialdea at Bong Go ng Kahit Maputi na ang Buhok ko.
Si Finance Asec. Tony Lambino na dating miyembro ng grupong Smokey Mountain, inawit ang Harana.
Inawit din niya ang Da Coconut Nut na sumikat noong 90s, habang nasa background niya ang ilang cabinet members na nagsasayaw.
At bilang finale, nagpaunlak si Pangulong Duterte ng paborito niyang awitin na “Ikaw”.
Pang. Duterte at mga miyembro ng gabinete, bumirit sa isang benefit concert sa PICC kagabi
WATCH: Pang. Duterte at mga miyembro ng gabinete, bumirit sa isang benefit concert sa PICC kagabiVideo courtesy: Audrey Tan Zubiri's IG
Posted by Radyo INQUIRER on Tuesday, October 23, 2018
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.