2 suspek sa ilegal na droga patay sa buy-bust sa Laguna

Patay ang dalawang drug suspects sa buy-bust operation sa San Pedro, Laguna.

Kinilala ang mga suspek na sina Joseph Santos at Ronald Gonzales na kapwa residente ng Sta. Rosa City.

Ayon kay Supt. Guivannie Martinez, hepe ng San Pedro City police, nagsagawa sila ng buy-bust operation laban sa dalawang suspek alas 12:40 ng madaling araw ng Martes (Oct. 23) sa Barangay Landayan.

Matapos magkabentahan ng ilegal na droga, nahalata ni Santos na pulis ang katransaksyon at agad itong nagpaputok.

Sumunod ding nagpaputok ng baril si Gonzales.

Ayon kay Martinez, gumanti ng putok ang mga pulis na ikinasawi ng mga suspek.

Naisugod pa sa Amante Hospital ang dalawa pero kapwa idineklarang dead on arrival.