Resolusyon ng Makati RTC Br. 148 sa hirit na ipaaresto si Trillanes posibleng ilabas na ngayong araw
Inaantabayanan ang ilalabas na resolusyon ng Makati Regional Trial Court Branch 148 hinggil sa hiling ng Department of Justice (DOJ) na magpalabas ng warrant of arrest laban kay Senator Antonio Trillanes IV.
Maagang dumating sa court room ng Branch 148 ang mga tauhan ng PNP-CIDG ngayong umaga.
Mamaya namang alas 11:00 ng umaga, nagpatawag ng press conference sa Senado si Trillanes.
Una nang sinabi ng Clerk of Court ng Makati RTC Branch 148 na posibleng ngayong araw ilabas ang resolusyon.
Noong Biyernes kasi ay tinapos na ni Judge Andres Soriano ang hukom na may hawak sa kasong kudeta ni Trillanes ang pag-aaral sa lahat ng mga naisumiteng ebidensya para matapos na ang resolusyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.