San Miguel wagi kontra TNT sa PBA Governors’ Cup
Tinalo ng San Miguel Beermen ang TNT KaTropa sa kanilang naging tapatan kagabi para sa PBA Governors’ Cup.
Natapos ang laro sa iskor na 107-96 pabor sa Beermen.
Dahil dito, contender ang San Miguel upang makapasok sa top four ng torneo.
Para naman sa KaTropa, kailangan nilang tiyakin na manbanalo sila sa kanilang susunod na dalawang laban upang makapasok sa top four at muling makaharap ang Beermen.
Ang NBA veteran na si Kevin Murphy ang bumitbit sa San Miguel matapos nitong makapagtala ng 27 points at 10 rebounds. Ngunit hindi naman nagpahuli ang kanyang teammates matapos anim sa kanila ang makapagbigay ng double-digit scores sa kabuuan ng laro.
Para naman sa TNT, si Marqus Blakely ang nanguna sa pamamagitan ng kanyang 16 points at sinundad siya ni RR Pogoy na may 21 puntos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.