Bahagyang tumaas ang halaga ng Piso sa pagsasara ng kalakalan kahapon.
Sinabi ng ilang financial experts na nakatulong dito ang pagbaba ng presyo ng petrolyo sa global trading.
Kahapon ay umabot sa P53.70 ang palitan ng US Dollar kontra Piso mula sa P53.97 noong Huwebes.
Sa nakalipas na isang buwan ay nagpatuloy ang pagbulusok ng Piso dahil sa malikot na presyo ng petrolyo sa world market.
Inaasahan rin na patuloy ang pagsigla ng Piso sa mga susunod na linggo dahil sa pagpasok ng remittances mula sa mga Overseas Filipino Workers ngayong panahon ng kapaskuhan.
MOST READ
LATEST STORIES