High school student nahulihan ng marijuana sa Quezon City
Sa kulungan ang bagsak ngayon ng isang grade 9 student matapos mahulihan ng marijuana sa Barangay Sacred Heart, Quezon City.
Nakilala ang 19 na taong gulang na estudyante na si Jairus Quinoveva, mag-aaral ng Ramon Magsaysay High School.
Ayon sa mga pulis, hindi naman kabilang sa kanilang binabantayang drug watchlist ang mag-aaral na suspek.
Narekober mula dito ang isang nakatuping papel, kung saan nakasilid ang mga pinatuyong dahon ng marijuana.
Mahaharap si Quinoveva sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.