Pinangunahan ni Quezon City Mayor Herbert Bautista ang pagsisimula ng 2018 Philippine Smart City Summit sa ABS-CBN Tent sa Vertis North, North Avenue sa Quezon City.
Dumalo ang ilang government executives mula sa Russia, South Korea, Malaysia, China, Indonesia, Turkey at iba pang bansa sa naturang two-day Smart City Summit.
Layon nitong maibahagi ang smart concepts at practices para sa digital capacity at social innovation.
Bubuuin din ng Quezon City Summit ang Smart City Urban Agenda.
Samantala, aabot naman ng 1,121 na pulis ang ipakakalat ng Quezon City Police District (QCPD) para matiyak ang kaligtasan ng mga delegado sa isasagawang summit mula October 17 hanggang 19, 2018.
Ayon kay QCPD Director, Chief Supt. Joselito Esquivel Jr., magtatalaga ng Task Group Smart para sa seguridad kabilang ang traffic direction at control.
Aabot sa 1,121 na pulisya ang ikakalat maging sa mga kilalang landmark na bibisitahin ng mga delegado.
Humingi naman ng pangunawa si Esquivel sa publiko bunsod ng posibleng maranasang bigat ng trapiko sa lungsod.