Bong Go hindi pa desidido sa pagkandidato sa 2019 elections

Bagaman tatlong araw na lamang ang natitira para sa paghahain ng certificate of candidacy (COC), wala pa ring pinal na pagpapasya si Special Assistant to the President Bong Go kung tuloy ang pagtakbong senador sa 2019 elections.

Ayon kay Go, hanggang sa ngayon, patuloy pa rin niyang tinitimbang kung ano ang magiging kapalaran sa 2019.

Giit ni Go, naghihinaty pa rin siya sa pinal na desisyon ni Pangulong Rodrigo Duterte.

Sakali pang tumuloy si Go sa pagtakbong senador, tiniyak ng kalihim na hindi pa rin niya iiwan si Pangulong Duterte.

Pero ayon kay Go, kapag tumuloy naman siya sa kanyang kandidatura, tiyak na marami ang kwalipikado na pumalit sa kanyang puwesto bilang special assistant to the president.