Makaraan ang siyam na linggong sunud-sunod na oil price hike ay magpapatupad naman ng bawas-presyo sa kanilang mga produkto ang mga kumapanya ng langis.
Nauna nang inanunsyo ng Phoenix Petroleum Philippines na aabot sa P0.80 kada litro ang kanilang kaltas sa gasolina, P0.60 sa bawat litro ng diesel at P0.20 para sa kada litro ng gaas o kerosene.
Bago magtanghali kanina ay inanunsyo na rin ng Seaoil at ng Petro Gazz ang kahalintulad na price rollback.
Bago matapos ang araw ay inaasahang susunod na rin sa magpapatupad ng tapyas sa kanilang presyo ang iba pang mga oil companies.
Epektibo ang nasabing bawas-presyo 12:01 ng madaling araw ng Linggo.
Nauna nang inihayag ng mga kumpanya ng langis na bahagyang bumaba sa world market ang halaga ng petrolyo.
Wala namang inaasahang paggalaw sa susunod na linggo sa halaga ng cooking gas at auto LPG.