Pagsasabay ng 2019 elections at plebesito para sa bagong Konstitusyon mahirap ayon sa Comelec

Hihintayin ng Commission on Elections ang magiging kahihinatnan ng bagong Saligang Batas sa Kongreso.

Ayon kay Comelec Chairman Sherrif Abbas, titingnan nila kung ano ang mangyayari sa pagpapalit ng Konstitusyon.

Aminado naman ang pinuno ng komisyon na mahihirapan sila sakaling isabay sa 2019 elections ang plebiscite para dito.

Sinabi ni Abbas, na kung logistics ang pag-uusapan ay mahihirapan sila dahil abala sila para sa midterm elections.

Nauna rito, isinalang na sa ikalawang pagbasa ng Kamara ang draft ng federal constitution kung saan target ng mga itong maipasa sa ikatlo at huling pagbasa sa pagbalik ng kanilang sesyon sa Nobyembre ng kasalukuyang taon.