Richard Gomez naghain na ng COC para muling tumakbong mayor ng Ormoc City

Naghain na ng kaniyang certificate of candidacy para muling tumakbong alkalde si Ormoc City Mayor Richard Gomez.

Running mate ni Gomez ang kaniyang kasalukuyang bise alkalde na si Leo Carmelo Locsin Jr.

Sa paghahain ng COC, sinamahan si Gomez ni asawa niya na si Leyte 4th District Rep. Lucy Torres-Gomez.

Kung muling mahalal, sinabi ni Gomez na itutuloy niya ang kampanya kontra ilegal na droga sa lungsod at pagpapanatili sa peace and order.

Nais niya ring mas paunlarin pa ang ekonomiya ng lungsod.

Si Rep. Torres-Gomez naman ay sinabing hindi pa niya tiyak kung kailan siya maghahain ng COC sa Comelec office sa Tacloban City sa Leyte.