Heart relic ni Padre Pio sa Manila Cathedral, dinagsa
Hindi mapigilan ang pagdagsa ng mga deboto na gustong masilayan at mahawakan ang heart relic ni Padre Pio.
Libu-libong deboto ang nagtungo sa Manila Cathedral mula kahapon araw ng Martes upang bigyang pugay ang santo.
Ayon sa Manila Police District, kaninang ala-1:00 ng madaling-araw ay nasa 5,000 pa ang deboto sa paligid ng Cathedral.
Inaasahang magpapatuloy pa ang pagdagsa ng mga deboto dahil hanggang mamayang gabi ito nasa Maynila bago dalhin sa Cebu.
Noong Lunes, nasa 60,000 deboto ang pumunta sa University of Sto. Tomas para sa relic ayon kay Rev. Fr. Louie Coronel.
Tatagal sa bansa ang relic hanggang sa October 26.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.