Pangalawang ginto, nasungkit ng Pilipinas sa Asian Para Games sa Indonesia

Nasungkit ng Pilipinas ang ikalawang ginto sa Asian Para Games sa Jakarta, Indonesia.

Nanguna ang bowler na si Kim Ian Chi sa Mixed Singles TPB10 event na ginanap sa Jaya Ancol Bowling Centre.

Nagtala ng score na 231.30 si Chi para manalo ng gintong medalya.

Nauna ng naiuwi ng swimmer na si Ernie Gawilan ang unang ginto ng bansa sa 200m Individual Medley noong Linggo.

Sa kasalukuyan ay nasa ikasampung puwesto ang Pilipinas sa medal tally ng Asian Para Games.

Ang bansa ay meron ng 2 gold, 2 silver at 3 bronze.