Nagsasagawa ng “Oplan Galugad” sa maximum compound sa New Bilibid Prisons (NBP).
Ang paggalugad ay pinangungunahan ng labingwalong teams mula sa Bureau of Corrections (Bucor) at Philippine Drug Enforcement Agency (PDEA).
Sa bahagi pa lamang ng Dormitory 2-C sandamakmak na mga ipinagbabawal na items na agad ang nakuha ng grupo.
Nakuha sa dormitory ang mga drug paraphernalia, gaya ng assorted na toother, sex toys, ice picks, improvised deadly weapon na umabot sa 60 piraso, cellphones at chargers, wooden knuckle, batuta, personal refrigerator, LCD television, mayroon pang nakumpiska Civet cat o musang na pinagmumulan ng alamid coffee.
Mayroon ding nasabat na P95,000 cash at P45,000 cash na tig-iisang libo.
Ang labingwalong teams na nagsasagawa ng paggalugad ay binubuo ng 16 katao.
Patuloy pa rin ang ginagawang paggalugad sa maximum compound sa Bilibid.