Mga pulis na umabandona sa mga napatay na PDEA agents sinibak
Ipinag-utos ni Philippine National Police Director Oscar Albayalde ang pagsibak sa mga pulis na umano’y nagpabaya at iniwan ang mga sugatan na tauhan ng Philippine Drug Enforcement Agency (PDEA) na biktima ng ambush sa Lanao Del Sur.
Sinabi ni ARMM Police Regional Office Director Graciano Mijares na kasalukuyang nasa custody ng kanilang tanggapan ang limang mga pulis at isinasailalim sa imbestigasyon.
Nauna dito ay naglabas ng sama ng loob si PDEA Director General Aaron Aquino dahil inabandona umano ng mga pulis ang mga tinambangan na PDEA agents na naging dahilan ng kanilang kamatayan.
Kabilang sa mga iniimbestigahan ng mga otoridad na posibleng nasa likod ng ambush ay isang kilalang drug lord at pulitiko sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.