Pangulong Duterte lilipad patungong Bali, Indonesia sa Miyerkules
Nakatakdang pumunta si Pangulong Rodrigo Duterte sa Bali, Indonesia sa araw ng Miyerkules, Oktubre 10.
Ito ay upang dumalo sa Association of Southeast Asian Nations (ASEAN) Leaders Gathering sa sidelines ng taunang pagpupulong ng International Monetary Fund (IMF) at World Bank (WB) na magaganap sa Huwebes, Oktubre 11.
Layon ng pagpupulong ng mga lider ng ASEAN countries na i-angkla ang ASEAN Vision 2025 sa United Nations Sustainable Development Goals.
Sinasabing ang ASEAN Leaders Gathering ay isa sa mga pangunahing event sa IMF-WB meeting.
Bukod kay Pangulong Duterte ay kumpirmado na rin ang pagdalo ng lahat siyam pang ibang lider sa ASEAN kung saan kanilang makakapulong sina WB President Jim Yong-kim at IMF Managing Director Christine Lagarde.
Tinatayang higit 18,000 delegado mula sa iba’t ibang panig ng mundo ang dadalo sa IMF-WB meeting.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.