Roque posibleng hindi na tumakbo sa 2019 elections — Andanar
Unti-unti nang nakukumbinsi ni Presidential Communications Operations Office (PCOO) Secretary Martin Andanar si Presidential Spokesperson Harry Roque na huwag nang ituloy ang planong pagtakbong senador sa 2019 elections.
Sa panayam ng Radyo Inquirer, sinabi ni Andanar na medyo na malapit nang magpasya si Roque na talikuran ang planong pagsabak sa pulitika.
Kasabay nito, pinabibilisan ni Andanar kay Roque ang pagpapasya lalo na’t magsisimula na ang filing ng certificate of candidacy (COC) sa October 11.
Sakali aniyang magpasya si Roque sa pag-upo bilang press secretary, matibay na aniya ang pundasyon na tutungtungan ng kalihim dahil napalakas na ni Andanar ang iba’t ibang media platform ng mga government news orgazanition gaya ng PTV4, Radyo Pilipinas, Philippine News Aganecy (PNA), at iba pa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.