Andanar, nagsumite ng bagong proposal para ibalik ang Office of the Press Secretary

By Chona Yu October 07, 2018 - 12:39 PM

 

Nagsumite ng panibagong proposal si Presidential Communications Operations Office o PCOO Secretary Martin Andanar na ibalik na ang Office of the Press Secretary.

Sa panayam ng Radyo Inquirer, sinabi ni Andanar na isinumite na niya ang kanyang proposal kay Executive Secretary Salvador Medialdea at pinag-aaralan na aniya ito ng opisyal.

Ayon kay Andanar, bago pa man ipinanukala ni Senate President Vicente “Tito” Sotto na ibalik ang OPS, nagsumite na siya ng proposal noong 2016 kay Medialdea subalit naisantabi ito dahil sa dami ng trabaho.

Nakahanda rin si Andanar na magstep-aside o magpaubaya para ibigay kay Presidential Spokesman Harry Roque ang pagiging Press Secretary.

Patuloy aniya ang kanyang pagkumbinsi kay Roque na huwag nang tumuloy sa pagtakbong senador sa 2019 midterm elections at manatili na lamang sa Malakanyang.

Hindi naman matukoy ni Andanar kung saan siya ililipat pero siya’y nakahandang tumulong pa rin sa administrasyon ni Pangulong Rodrigo Duterte.

 

TAGS: Office of the Press Secretary, PCOO Sec. Martin Andanar, Office of the Press Secretary, PCOO Sec. Martin Andanar

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.