LOOK: Landslide sa Zamboanga del Sur highway, nakaapekto ng daan-daang pasahero at motorista
Daan-daang pasahero at motorista ang nastranded sa loob ng dalawa’t kalahating oras, makaraang magka-landslide sa highway sa Barangay Lacupayan, Tigbao, Zamboanga del Sur kahapon (October 6).
Ayon sa Zamboanga City Provincial Disaster Risk Reduction and Management, ang landslide ay dulot ng malakas na pag-ulan.
Karamihan sa mga apektadong pasahero at iba pang motorista ay mula Pagadian City na patungong Zamboanga City.
Hindi madaanan ang kalsada mula alas-dos y medya ng Sababo ng hapon (2:30PM), pero agad na nagsagawa ng clearing operations ang mga tauhan ng Department of Public Works and Highways o DPWH upang maalis ang mga debris at putik kaya nakadaan na ang mga sasakyan pasado alas-singko ng hapon (5:00PM).
Wala namang naitalang sugatan o nasawi sa landslide, at wala ring natabunang sasakyan o ari-arian.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.