Jackpot para sa Ultra Lotto 6/58 ngayong araw inaasahang papalo sa P935M

Posibleng umabot sa P935 milyon ang jackpot prize para sa Ultra Lotto 6/58 ngayong araw, October 7.

Ito ang inihayag ng Philippine Charity Sweepstake Office (PCSO) sa kanilang Facebook page.

Mamayang alas-9 ng gabi ang draw para sa naturang lotto.

Matatandaang noong Biyernes ay walang nakakuha sa winning combination na 01-30-27-36-49-12 at may papremyo itong higit P903M.

Patuloy ang pagtaas ng jackpot sa 6/58 na pinakamalaki na sa kasaysayan ng lotto sa bansa.