Roque, nais ni Sen. Pimentel na tumakbong senador
Nais pa rin ni Sen. Aquilino ‘Koko’ Pimentel na tumakbo sa pagka-senador si Presidential Spokesperson Harry Roque sa 2019 senatorial elections.
Sa isang panayam, iginiit ni Pimentel na magiging ‘asset’ sa Partido Demokratiko Pilipino – Lakas ng Bayan (PDP-Laban) ang kalihim sakaling magpasya itong tumakbo.
Magugunitang isa si Roque sa mga pinagpipiliang mapabilang sa senatorial line-up ng partido.
Gayunman, nito lamang Biyernes ay inihayag ni Pangulong Rodrigo Duterte ang kanyang paniniwala na hindi mananalo ang opisyal sakaling tumakbo sa Senado.
Bunsod nito, handa umanong magbigay na lamang ng ibang posisyon ang pangulo para kay Roque.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.