Pangulong Duterte, hinimok ni Sotto na ipagpatuloy ang trabaho at huwag pansinin ang surveys
Pinayuhan ni Senate President Vicente Sotto III si Pangulong Rodrigo Duterte na ipagpatuloy ang kanyang trabaho at huwag mabahala sa mga resulta ng surveys.
Ito ay matapos lumabas sa September survey ng Social Weather Stations (SWS) na bumaba ang net satisfaction rating ng administrasyong Duterte ng walong puntos o ngayon ay nasa +50 na lamang mula sa +58 noong Hunyo.
Ayon kay Sotto, hindi dapat magresulta sa pagkabahala kay Pangulong Duterte ang naturang survey lalo pa’t hindi naman ito tatakbo sa darating na halalan.
Gayunpaman, nagpayo rin ang senate president sa mga pulitiko na huwag dumepende sa mga survey at ipagpatuloy ang kanilang political will.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.