Ursua: LGBTQ community puntirya ng kaso ni Fullido
Nanindigan ang kampo nina dating ABS-CBN segment producer Maricar Asprec at Cheryl Favila na mali ang ginawang hakbang ni Gretchen Fullido na kasuhan sila ng sexual harassment.
Nauna na raw kasi itong naidismis ng ABS-CBN sa kanilang ginawang discreet investigation hingil sa nasabing reklamo.
Sinabi ni Atty. Evalyn Ursua, legal counsel nina Favila at Asprec na mali ang pagkaunawa sa ilang mensahe na natanggap ni Fullido mula sa kanyang mga kliyente.
Nauna na kasing sinabi ni Fullido na humihingi ng sexual favors sina Favila at Asprec sa pamamagitan ng palitan nila ng komunikasyon at nang ito ay kanyang tanggihan ay naging mahirap na para sa kanya ang pag-ganap sa kanyang tungkuli sa nasabing media network.
Binanggit rin ni Ursua na isang uri ng diskriminasyon sa LGBTQ community ang reklamong inihain ni Fullito.
Ayon pa sa abigado, “Her baseless complaint is also a classic example of discrimination against LGBTQ individuals and gender stereotyping against them in matters of sexuality. The prevailing homophobia in society result in a stereotyped belief that women of same-sex sexual orientation indiscriminately go after any woman or are prone to sexually harassed other women”.
Sa kanyang pahayag ay nilinaw ni Ursua na isa rin siyang women advocate pero ang naging hakbang ni Fullido ay lubhang mapanira sa kredibilidad nina Favila at Asprec na ilang taon rin nilang iningatan sa loob ng industriya.
“While it pains me to go against another woman in a sexual harassment case, I welcome the opportunity to rise to the defense of two women who are wrongly accused. I hope that, with truth on their side, they will be vindicated in God’s time”, dagdag pa ni Ursua.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.