Speaker Arroyo pinakikilos ang Duterte admin sa patuloy na paglobo ng inflation
Nanawagan si House Speaker Gloria Macapagal-Arroyo sa economic team ni Pangulong Rodrigo Duterte na bilisan ang implementasyon ng mga polisiya para maibsan ang pagsipa ng inflation.
Pahayag ito ni Arroyo matapos ang pagtaas ng presyo ng mga bilihin noong Sityembre batay sa ulat ng Philippine Statistics Authority (PSA).
Sa isang panayam ay sinabi ni Arroyo na nangyari na sa kanyang termino ang pagtaas ng inflation pero naibaba ito sa 1.5% kaya naniniwala siya na magagawa ito ng administrasyong Duterte.
Pero panukala rin ng house speaker na dagdagan ang budget ng Department of Agriculture para makatugon sa epekto ng mataas na inflation.
Una nang nagpahayag ng kumpyansa si Arroyo na mareresolba ng gobyerno ang patuloy na pagtaas ng presyo ng mga bilihin.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.