Lalaking nanlaban sa mga pulis, patay sa engkwentro sa Bulacan
Nakahandusay sa madamong bahagi ng Barangay Mabolo sa Malolos City, Bulacan ang isang drug suspek matapos mauwi sa engkwentro ang ikinasang buy bust operation ng mga otoridad.
Kinilala ang nasawing suspek na si Ferly Dela Cruz alyas Toto.
Ayon sa Malolos City Police, matapos ang transaksyon at aktong aarestuhin na ng mga otoridad si alyas Toto ay nagpumiglas ito. Bumunot ang suspek ng baril at pinaputukan ang mga pulis na nakaiwas at nakaganti ng putok.
Agad na nasawi si alyas Toto dahil sa ilang tama ng bala sa katawan.
Sinasabing kabilang ito sa drug watchlist ng Barangay Mabolo.
Itinuturing din itong suspek sa pamamaslang sa isang asset ng mga pulis noong 2015.
Nabatid pa na kabilang si Toto sa grupo ng mga kriminal na tinatawag na Yamson Group.
Narekober mula sa suspek ang 15 piraso ng plastic sachet na naglalaman ng shabu, 11 sachet ng pinatuyong dahon ng marijuana, at isang kalibre 38 revolver.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.