Dead on the spot ang isang lalaki matapos itong barilin sa kalagitnaan ng Aurora Boulevard sa Cubao, Quezon City kagabi.
Sa ngayon ay hindi pa batid ang pagkakakilanlan ng lalaking biktima.
Batay sa nakuhang CCTV footage ng Quezon City Police Districe (QCPD) Station 7 sa lugar, naglalakad lamang ang lalaki nang bigla itong barilin ng hindi nakilalang gunman.
Naganap ang insidente bandang alas-8:20 ng gabi.
Matapos ang insidente ay kaagad na tumakas ang salarin.
Hindi pa batid ang motibo sa pamamaslang, ngunit narekober mula sa bangkay ng biktima ang isang notebook na mayroong iba’t ibang mga pangalan.
Hinala ng mga pulis, posibleng naningil ng pautang ang biktima.
Gayumpaman, patuloy ang kanilang imbestigasyon tungkol sa insidente.